العمارة المنكوبة(عمارة الموت)!!1

العمارة المنكوبة او عمارة الموت
لايهم الاختلاف فى التسمية
لكن ما يهم هو تلك الكارثة او الفاجعة
التى حدث فى حى لوران بالاسكندرية
كلنا نعلم بامر تلك المصيبة التى نتجت من الاهمال
او الاستهتار بارواح البشر

مدام هانم مصطفى العريان مالكة العمارة
قامت بتاجيرالدور الارضى
اصحاب الشقة ارادوا القيام بعملية (توسيع للشقه)فقاموا بازالت 3 عواميد
وهو السبب الرئيسى فى انهيار العقار
بعيدا عن ان العقار كان يحتاج للكثير من التجديدات اللازمة حتى يستطيع الصمود
وكم من الشكوى قدمت لرئيس الحى ولكن(لا حياة لمن تنادى؟)
وكيف يستجيب واللجنة الفنية ترى ان العقار خالى من العيوب

وما يثير اكثر للدهشة هو عجائب القدر مع الكثير من الضحايا
كمدام ليلى التى كان القدر لا اعلم ما التعبير الصحيح اكان القدر فى صالحها ام كان ضدها
مدام ليلى من الناجين من هذة الحادثة فقد كان (الدولالب)يعمل كحاجز بينها وبين الموت
ولكن لشاء القدر ان تحيى دون والدتها او ابنتها

ومن الامثلة الاخرى لعجائب القدر ياسمين 22 عام
التى عادت لمدة يومين فقط لتاخد والدتها وتعود لاميركالكن الوقت لم يسعفها

وذلك الرجل الذى لم اتشرف بمعرفة اسمة الذى وضع كل مدخراتة فى (شقة العمر)التى لم يكتب له عمر ليستمتع بها
وترك زوجتة واولادة وخرج ليتبضع فيعود ويجدهم اموات

والكثير من لانماذج الاخرى التى تذهل لها العقول
وتقشعر لها الابدان
ما يجعلنا نسلم بان الاعمار بيد الله سبحانة وتعالى

نعم هذه هى سخرية القدر فبسب الاهمال و(توسيع فى شقة؟)يسفر عن كل هؤلاء الموتى
اما عن جهود الدولة العظيمة
فامر د/عادل لبيب بصرف 20.000 جنية لاسرة كل قتيل
و10.000لكل مصاب
وكانها تعويض لما فقد

ونقلا عن السيد محافظ الاسكندريةد/عادل لبيب:30.000 الف مبنى مخالف
10.000منهم ايل للسقوط!!!!!!!!!!!!!!!!!!1

اهكذا ستكون خاتمة 2007 ام ننتظر حادثة اخرى؟

دعوة للمشاركة

دعوة للمشاركة
دة اسم بوست جديد فى مدونة الباحث عن الحقيقة
لصاحبها العزيز عليا جدا جدا جدا مهند
دى من احلى المدونات اللى دخلتها بجد يا جماعة
المهم من غير رغى كتير
ومنغير ما اقول لكم انكم لازم تزوروها وتتدعولى والكلام دة كلة
مهند نشر فكر جميلة جدا
وهى دعوة للمشاركة
المشاركة فى عمل الخير
فى التواصل مع الناس المحتاجة
الشاركة فى الثواب
فى احساس انك عملت حاجة لدينك وبلدك واخرتك قبل دنيتك

الموضوع باختصار شديد(بعد الرغى دة كلة)ه
جمعية اهلية نتواصل فيها كلنا لمساعدة غيرنا
عمل خير يعنى
التفاصيل كلها فى مدونة مهند

اى اقتراح او اى فكرة جديدة
ياريت تقولوها علشان نناقشها سوا
ونعمل حاجة افضل
اتمنى انى اكون ساعدت فى نشر الفكرة
بشكل مناسب

بداية كدة
اللى هيقولى انتى لسة صغيرة ومش المفروض تتكلمى فى الموضوع دة
هقولة عندك حق لاء بصراحة بقى مش عندك حق
الموضوع دة اعتقد انة يهمنا كلنا
والصغير قبل الكبير
بعد صلاة الجمعة رحنا كلنا عند جدتى
وجدتى دى بصراحة زى العسل
وهى بتهزر مع بابا واحنا قاعدين قامت قالتلة
شوفت يا بنى اخر قانون نويين يناقشوه فى مجلس الشعب
(طبعا ما انا جدتى مثقفة ومتابعة الاخباروبتتكلم بالانجليزى كمان)
المهم بابا لفت انتباهه كلامها وقال اكيد هتقول على الدعم ولا حاجة
لقاها بتقولة:دول ناويين يعاقبوا اللى هيطلب مراتة (لارضاء رغباتة)وهى مش رضت يبقى من حقا تعملة محضر
انا:نعممممممممم (وعلى وشى كل ملامح الازبهلال)
بابا:ايوة فعلا هيبقى من حقها تقدم فية محضر
انا:ودة عقوبتة اية انشاء الله؟؟؟؟؟؟؟؟
بابا:خدمة المجتمع لمدة اسبوعين يعنى يكنس شوارع وكلام من دة
انا:واى واحدة مدايقة من جوزها تروح تقدم فى بلاغ ما هو مفيش ادلة دة جوزها
بابا:ازاى يعنى هيتعمل محضر وياخد حكم ومفيش ادلة يا ذكية انتى؟
انا:ماهو اية هتكون الادلة يعنى دة جوزها واكيد مفيش شهود على حاجة زى كدة!!!!!1
بابا:لاء ما هما هيجيبوا ولادهم يشهدوا عليهم
انا:........(لحظات صمت وانا فتحة بقى من لازبهلال)اكيد عندى حق ازبهل
المهم
انا( بعد الفاصل الازبهلالى):يعنى نشهد ازاى ؟
الظابط هيسالنى يقولى اية؟؟؟
ولا انا هرد علية ازاى؟؟؟
وانا ساعتها هبقى عارفة الحقيقة منين؟؟؟؟
انا:طب وفرضا ان لسة مفيش اولاد او انهم لسة بيبي؟
بابا:ساعتها يجيبوا شريط كاميرا كدليل
انا:يالهووووووووى
(رد فعل طبيعى جدا بعد الصدمة اللى اخدها فى وشى عدل دى)
يعنى ساعتها فضيحة دينا الراقصة مش هتبقى عيب ولا حاجة ما هى كمان متصوره على شريط

انا بجد مش عارفة اقول اية اكتر من كدة
انا مش اهتميت مين اللى اقترح الاقتراح العبيط دة
لانى حاسة انة انسان مريض
هو عموما القانون دة لسة فكرة مش اتناقش فى مجلس الشعب
بس ازاى يجلهم فكرة زى دى مش عارفة
وبعيد هى خلاص مشاكل البلد خلصت وفاضل الموضوع دة

حسبى الله ونعم الوكيل
اسيب لكم التعليق على الفكرة الخرافية دى

معجزة الهيه تتمثل فى روح بشرية

معجزة الهيه تتمثل فى روح بشرية

هذا كل ما استطيع قوله عن هذه الارادة الحديدية

هذا الايمان القوى

هذا الامل الذى لا ينقطع بغدا افضل

هذه القدرة على التاقلم مع قضاء الله وقدرة

هذه الروح المفعمة بالحيوية رغم سكونها

ذلك الشاب السورى خلدون سنجاب

هو شاب تعرض لحادثة اليمة

الزمتة الفراش باقى عمره

بارادة التى لم اشهد لها مثيلا استطاع
تحقيق حلمة وارضاء شغفة وتعلقة بالكمبيوتر

اصبح من اشهر المبرمجين وامهرهم

اما عن معاناته مع القدر

فستعرفونها من زيارتكم لموقعة

الذى قام بتصميمة بنفسه

http://sinjab.com

ارجو ان تكون انجازات هذا الشاب

الهام للشباب العربى كلة

بل للشباب فى العالم باسره

الحمد لله على ما اعطانا

"وان تعدوا نعم الله عليكم لا تحصونها"

بتحب فيها اية؟؟؟؟؟

من كام يوم كدة
سمعت برنامج لذيذ على قناة o t.v
بيقولك يا سيدى
بتحب اية فى مصر؟؟؟؟
بجد واللة يا جماعة....السؤال لفت انتباهى
بدات احس ان احنا بنكسر قاعدة الملل
ونغير كلمة مش عجبك اية فى مصر
ونقول اية عجبك فى مصر

وبلاش الاجابات الخنيقة بتاعة ولا حاجة
ودى فيها اية عدل

فكر فيها كدة.....
والله فيها حاجات كتير حلوة

طبيعى بتسال زى اية؟؟؟؟
زى عصير القصب من عند عم على
ولا سندوتش الكبدة من ابو رامى
ولا سندوتشات الفول والطعمية من عند البغل
(قولى بقى انك ممكن تلاقى السندوتشات دى فى اى حتة تانية)
طب والنيل؟؟
المنظر الريفى الجميل
اصالة اهل ابن البلد؟
الهرم الاكبر ..وشارع الهرم الاكبر


نتكلم جد شوية

انا بحس ان الترابط اللى عند اهل مصر مش عند اى حد تانى
يعنى مهما شوفت من اصحابك
لما بتوقع بتلاقى حد جمبك
مهما البيت كان فى مشاكل
مش هتلاقى دفا زى البيت

عمر فرحتك ما تكمل منغير اهلك وحبايبك واصحابك
يعنى تخيل كدة انك تاخد دكتوراه فى مجالك
ومش تلاقى حد يهنيك؟؟؟؟

انك تلاقى فارس احلامك ومش تلاقى حد يوقف جمبك فى احلى يوم فى عمرك
هى ممكن واحدة تحسدك بس هتلاقى التانية بتقرالك سورة الفلق

لما تجيب المجموع اللى انت عايزة ومش تلاقى حد يقولك فرحتنا

لما تطق حاجة فى دماغك ومش تلاقى الجروب بتاعك
علشا تنفذوها

لما تبقى مخنوق وتنزل تمشى فى الشارع وتبص على العمارات
والبيوت القديمة اللى حواليك
وتشوف خناقات ومصايب
وفجاءة تلمح وش بنوتة بريئة بتضحكلك تنسيك همك

مهما تكون الجريمة منتشرة والبنت مش عارفة تمشى لوحدها ولا الولد عارف يمشى مطمن

بتنام فى بيتك مطمن ولا لاء
الى حد ما على الاقل

عارف ان لو (بعيد الشر)حصل حاجة
هتلاقى كل الناس حواليك
وناس يمكن اول مرة تعرفهم
وناس مش تتوقع انك تشوفهم او انهم يبقوا معاك

يا جماعة انا بتكلم عن الارض والناس اللى عايشين فيها

والله مهما شوفنا منها هنفضل نحبها

عايزة اشوف ارائكم

وسؤال فى الاخر يا ريت كل اللى يعلق يجاوب علية

بتحب اية فى مصر؟؟؟؟؟

بمناسبة ان الفالنتين المصرى كمان ساعة تقريبا .....هابى فالنتين لكل البلوجرز

الحب.........هو هذا الاحساس الدفء الذى يحمينا من برودة الشتاء

الحب .........هو هذا الوهم الذى يغيبنا عن قسوة الواقع

الحب .........هو هذا المذاق الحلو الذى يضيع مرارة الحقيقة

الحب ..........هو هذا الحلم الذى يبدد تلك الكوابيس

الحب .......... هو ضوء الشمس بعد ظلمة الليل

الحب........هو تلك المراءة التى تعكس ضعفنا قبل قوتنا

الحب.........هو تلك الكلمة التى تذيب القلوب وتغيب العقول هو ذلك المعنى الذى لايمكن وصفة فى كلمة او نغمة

الحب.......... هوذلك المعنى الذى لم يجدة العقل فوجدة القلب

الحب ..........هو ذلك المنطق الغريب الذى عاش بة كثيرون ومات فى سبيلة كثيرون...!!!!!!1

وايه يعنى!!!!!1

وايه يعنى ..........!!!!!!!!
كلمة بقينا بنسمعها كتير لدرجة انها بقت بتنرفز
فمثلا تبقى ماشى فى الشارع فى امان الله وتلاقى نمشهد يلفت انتباهك
تلاقى الشاب (الكول) بابنطلون الباجى والتيشرت الضيق اللى تحس انه يا عينى مش عارف يتنفس منه
وطبعا عامل (body building)
ولانة شاب رياضى بيصحى الصبح يشيل (مأشة) وينزل يجرى (يلحق بتاع اللبن)
وتبقى ماشى على بعد3 متر منة خايف لينفجر فى وشك. وطبعا مش هننسى النضارة اللى وكلة نص وشة
يجى الشيطان يلعب فى دماغك بمفك
فتجازف بحياتك وتقرب منة ويدور الحديث المعتاد
وتحين ساعة الصفر ويبدا لسانك بالاستعداد لانطلاق السؤال الفاصل
" هو حضرتك بتشتغل اية......؟؟؟؟"
تلاقية ينفخ صدرة لقدام كان حد رفع معدل ضغط الهوا وبكل ثقة يقولك:
"اشتغل...هو حضرتك مش واخد بالك انا مين؟"
وتعصر دماغك فى محاولة بائسة انك تفتكر الناس المهمين اللى انت تعرف
بعيدا عن عم محمد بتاع الفول وعم ابو رامى بتاع الكبدة وام ابراهيم بتاعت اللبن ....
تحس انك مش قادر تفتكر حد اهم من كدة
فتجازف بحياتك للمرة التانية على التوازى وتقولة"سورى مش واخد بالى
يقلع النضارة وبنفس الثقة ونفخة الصدر يقولك"انا ابن افولانى الفولانى"
دة انا ابويا دة راجل عظيم بدء من الصفر شغلانة شريفة انا ابويا كان بيلم (الزبالة) كان اول واحد فطكر فى الموضوع دة وهو السبب فى حركة نضافة شوارع القاهرة
وتبدا تحس انك داخل على قصة كفاح شعب الغربية فى تاسيس مقلب زبالة طنطا
>بالنسبة للاخوة اللى مش يعرفوا مقلب زبالة طنطا<
هو مكان لتجميع الزبالة على اول طنطا وانت داخل على ايدك اليمين ويعتبر من علامات محافظة الغربية واللى يحب يزورة الطريق سهل اوى وعلى راى المثل ((اللى يشم ميتهوش)) عدنا بعد الفاصل الاعلانى
تراجع نفسك وتقولة "انا بقول لحضرتك انت بتشتغل اية"
يقولك وانا اشتغل لية امال ابويا بيعمل الفلوس دى كلها لمين؟ واية يعنى لما اخد مصروفى من بابى
وبصراحة عندة حق(لان تلاقى الباشا مصروفة الشهرى لايقل عن 3 تلاف جنية زى العينة اللى كانت جبتها المذيعة منى الشاذلى مقدمة برنامج العاشرة مساءا من اولاد مارينا
ولانها مرارة واحدة والحوار مش ناقص فقعة
كل الللى قدرت علية هو انك تلعن الشيطان اللى وسوسلك انك تتكلم مع البنى ادم دة
اكيد بتقول دلوقتى دى مبالغة .هتقولىلاء مش مش قولت كدة هقولك كداب
بس انا فعلا مش ببالغ الصورة دى موجودة فى الاماكن المحترمة فى مصر
هتقولى النسبة قليلة
هيبقى الرد الطبيعى لية غالبية الافلام والمسلسلات بدور حول الطبقة دى

طبعا زمانك بتقول والله انا مرارتى اتفقعت ولولا ان الكمبيوتر علية اقساط كنت ولعت فى الشاشة من البوست الخنيق دة
بس هقولك

واية يعنى!! .
"